Aretxabaleta Lanbide Eskolak urteetako esperientzia eta ezagutza teknikoa jartzen ditu enpresen eta erakundeen eskura, berrikuntzarekin, diseinuarekin eta prozesuen hobekuntzarekin lotutako erronkei erantzuteko.

Gure jardun-eremu nagusien artean daude fabrikazio aurreratua, mugikortasun-soluzioak, automozio eta karrozeria arloko konponketa, mantentze eta berrikuntza aplikazioak, 3D inprimaketaren bidezko prototipatzea eta baliabide teknikoen diseinua, ideiak garatu, probatu eta baliozkotzeko aukerak eskainiz.

Era berean, eskarmentu handia dugu soldadura eta galdaragintzako diseinu eta soluzioetan, baita soldadura bidezko produktu eta prozesuen homologazioan ere, kalitatea, segurtasuna eta araudia betetzea bermatzeko.

Bestalde, osasun eta arreta zerbitzuen arloan garatzen dugun ezagutzak sektore honetako erakunde eta profesionalei zuzendutako proiektu eta ekimenetan parte hartzeko aukera ematen digu.

Enpresekin elkarlanean jarduten dugu, behar errealetatik abiatuta eta irtenbide praktikoak eskainiz, ezagutza teknikoa eta esperientzia aplikatua uztartuz. Prestakuntzatik harago, ezagutza aplikatua, berrikuntza eta lankidetza eskaintzen ditugu, gure inguruko enpresen lehiakortasuna indartzeko.