CIFP Murgia LHII Lanbide Heziketako zentro publikoa da, eta TKgune sarean parte hartzen du ikastetxearen ezagutza teknikoa eta giza baliabideak enpresen eta lehenengo sektoreko eragileen (ustiapenak, kooperatibak, enpresa txiki eta ertainak…) zerbitzura jartzeko.

Gure zentroak bi lanbide-arlo nagusitan eskaintzen ditu zerbitzu aurreratuak eta aholkularitza teknikoa:

• Nekazaritza-Basogintza familia: Lehenengo sektorearen modernizaziora, errentagarritasunera eta landa-garapenera bideratutako proiektuak garatzen ditugu. Nekazaritza- eta baso-ustiapenen kudeaketa eraginkorra, ekoizpen ekologikoa, lorezaintza, makineriaren optimizazioa eta baliabide naturalen aprobetxamendu jasangarria lantzen ditugu bertatik bertara.

• Segurtasuna eta Ingurumena: Ingurune naturalaren babesa, biodibertsitatearen kontserbazioa eta segurtasun- zein kontrol-prozesuen hobekuntza sustatzen ditugu. Baso-suteen prebentzioa, ingurumen-hezkuntza, hondakinen kudeaketa, babes zibil eta larrialdien kontrola eta ingurumen-inpaktuaren ebaluazioari lotutako soluzio berritzaileak eskaintzen ditugu.