M5 ereduko grapagailuen prozesua hobetzeko azterketa

Proiektu honen ardatza M5 ereduko grapagailuak izan dira, eta horien funtzionamendua baldintzatzen duten osagai kritikoak armazoia, mihia, aurreko txapa eta burua dira. Gaur egun ez dago osagai horien arteko trukagarritasunik, hau da, konbinazioa bakarra da grapagailu bakoitzerako.

Industria 4.0 eta Fabrikazio Aurreratua

Proiektuaren helburuak:

TUNCALYA, S.L. enpresak grapagailuak eta bulegoko beste osagai batzuk merkaturatzen ditu, 30. hamarkadan definitutako prozesuak erabiliz (1931ko lehen patentea). Nahiz eta prozesu batzuk denborarekin eboluzionatu duten 80ko hamarkadaz geroztik, aldakuntza arina izan da. Proiektu honen ardatza M5 ereduko grapagailuak izan dira, eta horien funtzionamendua baldintzatzen duten osagai kritikoak armazoia, mihia, aurreko txapa eta burua dira. Gaur egun ez dago osagai horien arteko trukagarritasunik, hau da, konbinazioa bakarra da grapagailu bakoitzerako. Proiektu honen bidez, osagai guztien trukagarritasuna bermatu, fabrikazio- eta muntaia-denbora murriztu eta CAD/CAM tresnak ekoizpen-prozesuan integratu nahi izan dira.

Egindako atazak

Hona hemen egindako lan nagusiak:

M5 grapagailuaren egungo prozesuaren azterketa sakona, mekanizazio txikien eta eskuzko doikuntzen 40 eragiketa ingurutan oinarrituta.
Hainbat lagin neurtzea, grapagailuen funtzionaltasun egokia eta osagaien trukagarritasuna baldintzatzen duten osagaien fabrikazio-kota kritikoak zehazteko.
Plano digitalak sortzea; gaur egun 2D plano erabat zaharkituak baino ez zeuden.
CAM programazioa duten mekanizazio-zentroetan oinarritutako fabrikazio-prozesu berriak definitzea.
Prototipoak fabrikatzea koten eta perdoien definizio berriarekin, muntaia zehatza eta osagaien trukagarritasuna bermatzeko.
Proiektuaren balidazioa.

Proiektu hau gauzatuz, grapagailuen prozesua egungo teknologietara egokitzea ahalbidetzen da. Grapagailuen egungo prozesua duela 80 urte diseinatu zen, unean uneko teknologiekin. Prozesu berriarekin eragiketa bateko osagai bakoitza fabrikatu ahal izango da, pieza batetik besterako aldaketak eta denborak minimizatuz.

Lotutako proiektuak

Fabrikazio gehigarri edo aditiboko makina baten diseinu hobekuntza

Industria 4.0 eta Fabrikazio Aurreratua

SAMYLABS sorrera berriko empresa izan arren, jadanik garatu eta industrializatuta dituzten makinetan hobekuntzak ikusten dituzte. Gaur egun dituzten jakintza teknikoekin, ezin dituzte diseinu berriak egin hobekuntza horiek aurrera ateratzeko. Gure parte hartzea proiektu honetan, izan dituzten beharrei erantzuteko enpresarekin ezagutza partekatzea izan da.

“ATLAS” suziria

Industria 4.0 eta Fabrikazio Aurreratua

Bisky Team taldekoak “ATLAS” suziria eraikitzeko karbono fibrazko pieza batzuk mekanizatzeko zailtasunak zituzten eta gure ikastetxean mekanizatu zitezkeen galdetu ziguten. Piezen material, neurri eta forma zirela, zailtasun asko ikusten genituen baina aurrera egitea erabaki genuen.

Kutxilla multzo baten azterketa eta fabrikazioa EDM hari bidez

Industria 4.0 eta Fabrikazio Aurreratua

Perilan World enpresak tornu zein fresagailutan mekanizatzen diren askotariko piezak ekoizten ditu. Hala ere, kasu honetan, EDM haria behar izan da pieza hauek fabrikatzeko eta beraiek ez daukate horrelako teknologiarik.

Matrize templatuzko pieza batzuen eskaneatua eta ondorengo mekanizazioa

Industria 4.0 eta Fabrikazio Aurreratua

INDUSTRIAS AUXILIARES, S.A.U. altzarientzako burdineria ezberdinak fabrikatzen dituen enpresa bat da. Pieza konplexu batzuen mekanizazioa burutzea nahi dute, bai geometria eta bai gogortasunagatik, dituzten baliabideekin ezin bait dute egin.

Ezkerreko ”katigamendu-espekarako” kontrol-tresna diseinatzea eta fabrikatzea

Industria 4.0 eta Fabrikazio Aurreratua

Hezilan enpresak ekoizten duen pieza baten neurriak egokiak diren ala ez egiaztatzeko, kontrol-tresna bat sortzea eskatu digu. Horretarako lehenengo egiaztatu beharreko pieza aztertu behar izan dugu, ondoren kontrol-tresnaren diseinua egin eta bukatzeko produktua ekoiztu.

Fabrikazio gehigarriko prototipoak, portfolioko produktuak pertsonalizatzeko

Industria 4.0 eta Fabrikazio Aurreratua

Fabrikazio gehigarriko teknikak erabili ditu diseinu propio batzuetan, agendetan batez ere, horien jasangarritasuna eta ingurumen-inpaktua hobetzeko.

Paleten deskargan laguntzeko soluzio baten diseinua, fabrikazioa eta integrazioa

Industria 4.0 eta Fabrikazio Aurreratua

GRAFICAS ILBA enpresak kartoizko paketeak egiten ditu. Horretarako behar duen kartoia daramatzaten paletak deskargatzeko arazoak dituzte eta soluzio bat proposatu da.

SILENTBLOCKetatik ziri hariztatuak modu automatizatuan ateratzeko makina

Industria 4.0 eta Fabrikazio Aurreratua

Egaña caucho S.L enpresan ekoizten dituzten SILENTBLOCK motelgailuetatik fabrikazio prozesuan txapa metalikoan kautxoa ez sartzeko erabiltzen diren ziri hariztatuak modu automatiko batean kentzeko diseinatutako makinan datza proiektua

Nikel Oxidozko esfera galdatzeko tefloizko moldeak eta esferaren mekanizazioa

Industria 4.0 eta Fabrikazio Aurreratua

Donostia Internacional Physics Center eta Azkoitiko Izarraitz Lanbide Heziketa LHII ikastetxearen arteko lankidetza bitartez, neutrinoen aurkikuntza ikerkuntza lerrorako egindako lana izan da.