Lanbide Heziketak funtsezko eginkizuna du giza garapen jasangarrian, eta, dauden baliabideen erabilera eraginkorrean oinarritutako ekoizpen-eredu baten esparruan, modu zabal eta integratuan garatuko da, geure onurarako eta etorkizuneko belaunaldien hobe beharrez sortu behar dugun ekonomia jasangarriaren euskarri gisa.
Elikagaigintzak egungo produktu funtzionalen beharretara egokitutako berrikuntza bat garatzea ahalbidetzen du. Elikagai probiotikoak eta osagai aktiboak erabiltzen ari dira osasun-arazo batzuen –hala nola hipertentsioa, hiperkolesterolemia, diabetesa eta alergia– tratamenduan laguntzeko.
TKgune ikastetxeen sareari esker, zenbait irtenbide tekniko proposatu eta probatu ahal izango dituzu hiru ildotan: zahartzea (telelaguntza, altzari egokituak, laguntza-robotika, biosentsoreak), elikagaiak (elikagaien trazabilitatea, produktu berrien garapena) eta biozientziak (eredu anatomikoak, protesiak, inplanteak, etab.).
